ماسیملیانۆ ئەلێگری راهێنەری یانەی میلانی ئیتاڵی گوتی دواجار توانیم جێگرەوەی زڵاتان ئیبراهیمۆڤیجی هێرشبەری یانەكەم بدۆزمەوە.
لە لێدوانی بۆ رۆژنامەی كۆریری دیلۆ سپۆرتی ئیتاڵی ئەلێگری گوتی دوویاریزانم دۆزییەوە كە دەتوانن شوێنی بەتاڵی ئیبراهیمۆڤیج لە كاتی یاری نەكردنیدا پڕ بكەنەوە و ئەو دوو یاریزانەش هەریەك لە ماكسی لۆپێز و ستیڤان شەعراوین.
ئەو دوو یاریزانە پێشەوایەتی یانەی میلانیان كرد بۆ بردنەوە لە یانەی ئۆدینێزی لە سەرەتای ئەم هەفتەیەدا لە خولی ئیتاڵی دوای ئەوەی توانییان دواكەوتنی یانەكە بە گۆڵێكی بێبەرامبەر بگۆڕن بۆ سەركەوتن 2-1.
زڵاتان ئیبراهیمۆڤیج بەهۆی سزادانی لەلایەن یەكێتیی تۆپی پێی ئیتاڵی 4 یاری راگیراوە.