سێر ئەلێكس فێرگسۆنی راهێنەری یانەی مانچستەر یونایتدی ئینگلیزی گوتی یانەكەم هیچی لە ریال مەدرید و بەرشەلۆنە كەمتر نییە.
ئەو راهێنەرە لە چاوپێكەوتنی ماڵپەری فیفادا دووپاتی كردەوە یانەكەی لە هیچ لایەنێكەوە هیچی لە بەرشەلۆنە و ریال مەدرید كەمتر نییە كە ئێستا دوو بەهێزترین یانەی ئەوروپان.
سێر دووپاتی كردەوە مانچستەر یونایتد لە 3 رابردوودا دووجار بەرامبەر بەرشەلۆنەی باشترین یانەی جیهان لە یاری كۆتایی خولی یانە پاڵەوانەكانی ئەوروپا یاری كردووە و ئەوەش دەیسەلمێنێت مانچستەریش وەك ئەوان بەهێزە.
ئەو راهێنەرە لەبارەی ئاستی نێوان ئەو دوو یانەیەوە بەرامبەر یەكتری بە دووری زانی وێڕای دووركەوتنەوەی ریال مەدرید بە 10 خاڵ لە بەرشەلۆنە لە ریزیەندی خولی ئیسپانی، ریال مەدرید ئێستا هەمان ئاستی بەرشەلۆنەی هەبێت و گوتی راستە ریال مەدرید زۆر گۆڕاوە و ئێستا ترسێنەرە، بەڵام هێشتا هەر بەرشەلۆنە لەو باشترە و لەوانەیە ئەمە لە داهاتوودا پێچەوانە ببێتەوە.