یانەی ئۆساسۆنا بووە یەكەم تیپ بتوانێ لە یارییەكدا 3 جار گۆڵی یانەی بەرشەلۆنە بهەژێنێت لە دوای یەكسان بوونی بەرشەلۆنەوە لەگەڵ ڤیاریال لە وەرزی 2009.
یانەی بەرشەلۆنە دوێنێ دووچاری دۆڕانێكی بە ئازار هات كە ویستی یانەكە بۆ بردنەوەی نازناوی وەرزی ئەمساڵ بێئومێدییەكی زۆری تووش هاتووە بە تایبەت ئەگەر ئەمشەو یانەی ریال مەدرید بتوانێ لە یانەی لیڤانتی بباتەوە و جیاوازی خاڵەكانی لەگەڵ بەرشەلۆنە بكاتە 10 خاڵ.
پیپ گواردیۆلای راهێنەری بەرشەلۆنە سوور بوو لەسەر ئەوەی پشوو بداتە هەریەك لە چاڤی و ئینێستا و فابریگاس بۆ ئەوەی بۆ یاری یانەكە بەرامبەر بایەر لیڤەركوزنی ئەڵمانی لە خولی یانە پاڵەوانەكانی ئەوروپا ئامادەبن.
یانەی بەرشەلۆنە لە ساڵی 2009ەوە هیچ جارێك لە یەك یاریدا 3 گۆڵی لێنەكراوە و ئەو كات یانەكە لەگەڵ ڤیاریال یەكسان بوو 3-3.
ئۆساسۆنا تاكە تیپە لە هەموو پاڵەوانیەتییەكاندا توانیویەتی لە یاری چوون و هاتندا لە یانەی بەرشەلۆنە بباتەوە لەوكاتەوەی گواردیۆلا بووەتە راهێنەری تیپەكە و بردنەوەی لە نێو یاریگای نوكامپ بۆ ساڵی 2009 دەگەڕێتەوە كە بە گۆڵێكی بێبەرامبەر بوو.