رۆژنامەی ئاسی ئیسپانی ئاشكرای كردووە پیپ گواردیۆلای راهێنەری یانەی بەرشەلۆنە نزیكبووەتەوە لە نوێكردنەوەی گرێبەستەكەی لەگەڵ ئەو یانەیە لە ماوەی داهاتوودا.
رۆژنامەكە ئاماژەی بەوەداوە كە نوێكردنەوەی گرێبەستەكە لە دوو هەفتەی داهاتوودا ئەنجام دەدرێت و نوێكردنەوەكە بۆ یەك ساڵ دەبێت.
نوێكردنەوەی گرێبەستی ئەو راهێنەرە لە مساڵدا پەیوەندی بە ئاستی تیپەكەوە هەیە و وەرزی رابردوو لە رۆژی 8ی فێبرایەر لە دوای یاری بەرشەلۆنە و ئەرسناڵ لە قۆناخی شازدەی خولی یانە پاڵەوانەكانی ئەوروپا گرێبەستەكەی نوێكردەوە.
بەرشەلۆنە لە وەرزی ئەمساڵیشدا لەگەڵ گواردیۆلا ئاستێكی بەرز پێشكەش دەكات و یانەكە نزیكە چوارەم نازناوی وەرزی ئەمساڵ بەدەست بێنێت دوای ئەوەی گەیشتە یاری كۆتایی جامی شای ئیسپانیا.