یانەی بەرشەلۆنە توانی بگاتە یاری كۆتایی جامی شای ئیسپانیا دوای ئەوەی لە نێو یاریگای نوكامپ بردنەوەی بەسەر یانەی ڤالنسیا بە ئەنجامی 2-0 تۆمار كرد.
بەرشەلۆنە لە یاری كۆتایی جامەكەدا رووبەڕووی یانەی ئەتلەتیك بلباو دەبێتەوە كە پێشتر سەركەوتنی بۆ ئەو یارییە مسۆگەر كردبوو.
بەرشەلۆنە سێیەم وەرزی لەسەر یەكە دەگاتە یاری كۆتایی جامەكە و ساڵی 2009 توانی نازناوەكە بباتەوە و وەرزی رابردووش یاری كۆتایی بەرامبەر ریال مەدرید بە تاكە گۆڵی كریستیانۆ رۆناڵدۆ دۆڕاند.
رووبەڕووبوونەوەی بەرشەلۆنە و ئەتلەتیك بلباو دووبارەبوونەوەی یاری كۆتایی دوو ساڵ لەمەوپێشە كە تێیدا بەرشەلۆنە توانی 4-1 یارییەكە بباتەوە.
یاری كۆتایی وەرزی ئەمساڵ لە 20ی مایۆی داهاتوودا ئەنجام دەدرێت و تا ئێستا ئەو یاریگایە دیار نییە كە یارییەكەی لەسەر بەڕێوەدەچێت.