یانەی یۆڤانتسی ئیتالی یەكەمی خولی ئیتالیا بەفەرمی لەماڵپەڕی یانەكەی ڕایگەیاند كە یاریزانی نێودەوڵەتی لوكاتونی بۆندێكی لەگەڵ یانەی نەسری ئیماراتی بەشێوەیەكی كۆتایی مۆر كردووە، هەرچەندە نرخی بۆندەكە ئاشكرا نەكراوە، بەڵام سەرچاوەكان نرخەكە بەدوو ملیۆن یۆرۆ مەزەندە دەكەن.
لوكا تونی لەمانگی كانوونی دووەمی 2011 پێوەندی بەیانەی یۆڤانتس كردووە و لە15 یاری بەشداری كردووە لەگەڵ یانەی خانمە پیرەكە و تەنیا دوو گۆڵی تۆمار كردووە لەهەردوو خولی ئیتالیا و جامی ئیتالیا.
شایانی باسە یاریزان لوكا تونی بۆ چەندین یانەی بەناوبانگ یاری كردووە، لەیانەكانی پالێرمۆ و ڤیۆرەنتینا و ڕۆما لەئیتالیا یاری كردووە و لەگەڵ یانەی ڤیۆرەنتینا گۆڵكەری كالچیۆ بووە و دواتر پێوەندی بەیانەی بایرەن میونیخ كردووە و خولی ئەڵمانیای بەدەست هێناوە.