یانەی بروسیا دۆرتمۆندی ئەڵمانی هەڵگری نازناوی بۆندسلیگا ڕایگەیاند بۆندی ڕاهێنەری یانە یۆرگن كلۆب بۆ ماوەی دووساڵی زیاتر درێژكردەوە، بەپێی بۆندە تازەكە كلۆبی تەمەن 44 ساڵ تا مانگی حوزەیرانی 2016 لەئەركەكەی خۆی بەردەوام دەبێت، لەهەمان كاتدا یانەی دۆرتمۆند ئەوەشی ڕاگەیاند كە بۆندی بەڕێوەبەری یانە مایكل زۆرك دوو ساڵی دیكە درێژ كردەوە، ئەویش تا مانگی حوزەیرانی 2016 لەكارەكەی بەردەوام دەبێت و لەگەڵ كلۆب بەیەكەوە كار دەكەن. كلۆب لەساڵی 2008 ئەركی ڕاهێنانی یانەی دۆرتمۆندی وەرگرت و لەوەرزی ڕابردوو نازناوی بۆندسلیگای بەدەست هێنا و ئێستا لەپلەی دووەمی ڕیزبەندی بۆندسلیگا دێت لەدوای یانەی بایرەن میونیخ، هانز یواكیم ڤاتزكە سەرۆكی یانە ستایشی كارە باشەكانی ڕاهێنەری یانەكەی كرد، لەلایەن خۆیەوە كلۆب بەم بۆنەیەوە گوتی: ئەو متمانەیەی كە یانەی بروسیا پێی داوە ئەو باش دەزانێت چۆن پارێزگاری لێ دەكات لەڕێگای بەدەستهێنانی نازناوەكان.