لەچوارچێوەی پاڵەوانێتی بنكە وەرزشیەكانی پارێزگای هەولێر بۆ تۆپی بالە لەسەر ئاستی كچان هەفتەی ڕابردوو لەهۆڵی یانەی ئەكاد یاری كۆتایی ئەم پاڵەوانێتیە لەنێوان هەردوو بنكەی وەرزش و لاوانی كۆیە و بنكەی وەرزش و لاوانی عەنكاوە بەڕێوەچوو، لەم یارییەدا كچانی بنكەی وەرزش و لاوانی كۆیە توانیان نازناوی پاڵەوانێتیەكە بۆخۆی مسۆگەر بكات و یارییەكە بەئەنجامی (3-سفر) گێم لەبەرژەوەندی خۆی تەواو بكات.
ئەم پاڵەوانێتیە بەسەرپەرشتی بەڕێوەبەرایەتی وەرزش و لاوانی هەولێر بەڕێوەچوو بە بەشداریكردنی 6 بنكەی وەرزش و لاوان سەر بەپارێزگای هەولێر، بنكە بەشداربووەكانیش بریتی بوون لە(هەولێر، عەنكاوە، كۆیە، دارەتوو، بنەسڵاوە، ڕواندز).