دوای دووپاتكردنەوەی بردنەوە لە یانەی میراندیس لە یاری پێش كۆتایی جامی شای ئیسپانیا، یانەی ئەتلەتیك بلباو كە 23 نازناوی جامی شای ئیسپانیای بردووەتەوە، چاوەڕێی یانەی بەرشەلۆنە دەكات بۆ پەڕینەوە بەرەو یاری كۆتایی.
یانەی ئەتلەتیك بلباو سەركەوتنێكی گەورەی بەسەر یانەی مراندیسدا بەدەست هێنا بە ئەنجامی 6-2 و بەوەش سەركەوتنی بۆ یاری كۆتایی جامی شا مسۆگەر كرد.
بلباو چاوەڕێی سەركەوتووی یارییەكەی ئەمشەوی نێوان بەرشەلۆنە و ڤالنسیا دەكات لەسەر یاریگای كامپ نو كە بەرشەلۆنە پاڵێوراوی بەهێزە بۆ سەركەوتن دوای ئەوەی هەفتەی رابردوو توانی لە نێو یاریگای ڤالنسیا 1-1 لەگەڵ ئەو یانەیە یەكسان بێت.
سەركەوتنی ئەو دوو یانەیە واتە دووبارە بوونەوەی یاری كۆتایی هەمان جام دووساڵ لەمەوپێش كاتێك بەرشەلۆنە توانی 2-1 لە بلباو بباتەوە و یەكەم نازناوی ئەو 6 نازناوە بوو كە بەرشەلۆنە لەو ساڵەدا بەدەستی هێنا.
پیپ گواردیۆلای راهێنەری بەرشەلۆنە دووپاتی كردەوە یانەكەی بۆ یارییەكەی ئەمشەو ئامادەیە و سەركەوتن و گەیشتنە یاری كۆتایی مسۆگەر دەكات.