مارچیلۆ لیپی راهێنەری پێشووی هەڵبژاردەی ئیتاڵیا پێی وایە هێز و توانای یانەی ناپۆلی ڤیلاش بواشی راهێنەری یانەی چێڵسی ترساندووە.
لیپی گوتی شانازی بە توانای ناپۆلییەوە دەكەم و یانەیەكی بەهێزە.
هەردوو یانەی ناپۆلی ئیتاڵی و چێڵسی ئینگلیزی لە قۆناخی شازەی خولی یانە پاڵەوانەكانی ئەوروپا بەیەك دەگەن و ناپۆلی توانی لە كۆمەڵەیەكی بەهێزەوە كە مانچستەر ستی ئنیگلیزی و ڤیاریال ئیسپانی و بایرن میونشنی ئەڵمانی گرتبووەوە سەركەوتن بۆ قۆناخی 16 مسۆگەر بكات.
لیپی لە لێدوانی بۆ رادیۆی كیس كیسی ئیتاڵی گوتی پێویستە لەسەرمان وەك ئیتاڵی شانازی بە یانەی ناپۆلییەوە بكەین، ئێستا نیوەی ئەوروپا لەو یانەیە دەترسێت.
هەروەها گوتی دەتوانم بۆتان دووپات بكەمەوە كە بواشی راهێنەری چێڵسی ئێستا لە هەموو كەس زیاتر ترسی لە یانەی ناپۆلی هەیە.