یانەی رۆمای ئیتاڵی ئاشكرای كرد گرێبەستی دانێلی دی رۆسی یاریزانی ناوەڕاستی یانەكەی بۆ ماوەی 5 ساڵ نوێكردووەتەوە و بەوەش كۆتایی بە چیرۆكی درێژی ئەگەری رۆیشتنی ئەو یاریزانە لە یانەكە هێناوە.
ئەو راگەیاندنە لە رێگەی فرانكۆ بالدینی بەڕێوەبەری گشتی یانەكەوە ئاشكرا كرا لە دوای ئەو یارییەی رۆما توانی لە یانەی ئینتەر میلان بباتەوە 4-0 لە خولی ئیتاڵیدا.
دی رۆسی گرێبەستەكەی لە كۆتایی وەرزی ئەمساڵدا كۆتایی دەهات و بەوەش قسەوباسێكی زۆر لەسەر ئەوە هەبوو كە ئەو یاریزانە دەیەوێ ریزی یانەكە جێبهێڵێت و نایەوێ گرێبەستەكەی نوێ بكاتەوە.
سەرچاوە رۆژنامەوانییەكان لە ماوەی رابردوودا ئاماژەیان بەوە دەدا كە لە هاوینی داهاتوودا دی رۆسی پەیوەندی بەیەك لە یانەكانی مانچستەر ستی یان ریال مەدریدی ئیسپانییەوە دەكات.