رۆژنامەی سەنی ئینگلیزی ئاشكرای كردووە جۆزێ مۆرینۆی راهێنەری یانەی ریال مەدریدی ئیسپانی رازی بووە هاوینی داهاتوو بگەڕێتەوە یانەی چێڵسی بۆ وەرگرتنی پۆستی راهێنانی یانەكە و مەرجەكانی خۆی بۆ ئەو گەڕانەوەیە ئاشكرا كردووە.
رۆژنامەكە لە سەرچاوەیەكی نزیك لە مۆرینۆی گواستووەتەوە كە دەڵێ هاوینی داهاتوو چێڵسی دەگەڕێتەوە چێڵسی.
بەپێی رۆژنامەكە ئەو سەرچاوەیە ئاشكرای كردووە گەڕانەوەی مۆرینۆ بە كۆمەڵێك مەرجە و لەو مەرجانەش ئەو راهێنەرە پورتوگالییە مەرجی ئەوەی داناوە كە پێویستە هەموو دەسەڵاتێكی لە نێو یانەكەدا هەبێت و كەس دەست لە كاروبارەكانی وەرنەدات تەنانەت رۆمان ئەبرامۆڤیجی سەرۆكی یانەكەش.
هەروەها دەڵێ مۆرینۆ دەڵێ (رۆمان تۆ خاوەنی یانەكەیت و من بەڕێوەبەری تەكنیكیم، رێگا بدە پێكەوە كار بكەین چونكە هەردووكمان توانای سەركەوتنمان هەیە.
هەروەها دەڵێ من دەزانم یانەكە بە دۆخێكی خراپدا گوزەر دەكات ئێستا و ئەوەش دەزانم كە بەدەست هێنانەوەی ئەوەی لە رابردوودا كردوومە كارێكی زەحمەتە.
هاندەرانی چێڵسی پێیان وایە مۆرینۆ سەركەوتووترین راهێنەری مێژووی یانەكەیە كە لە ماوەی 3 ساڵدا پێشەوایەتی كرد بۆ بردنەوەی 6 نازناو لە خولی ئینگلیزی و جامی یەكێتیی ئینگلتەرا.