پێشبینی دەكرێ ئەو زیادەیەی بڕیارە بخرێتە سەر نرخی بلیتی چوونە ژوورەوەی یارییەكانی خولی ئەرجەنتنینی، ئەو وڵاتە بكاتە خاوەنی گرانترین بلیتی یاری لە هەموو كیشوەری ئەمەریكای لاتیندا.
یەكێتیی تۆپی پێی ئەرجەنتین ئاشكرای كرد نرخی بلیتی چوونە ژوورەوەی یارییەكانی لە قۆناخی گەڕانەوەی خولەكەدا زیاد كردووە بە بڕی 40 تا 50 بیزۆ بە تایبەت لەو كورسییانەی دەكەونە پشت هەردوو گۆڵەكەی یاریگاوە.
بەپێی ئەوەی رۆژنامەی لاناسیۆن بڵاوی كردووەتەوە، نرخی گشتی چوونە ژوورەوەی یاریگاكان لە ئەرجەنتین لە نرخی چوونە ژوورەوەی یاریگاكان لە مەكسیك -35 بیزۆ- و بەرازیل 37 بیزۆ و 1چیلی 43 بیزۆ زیاتر دەبێت.
لیژنەی جێبەجێكاری یەكێتییەكە رەزامەندی لەسەر ئەو زیادكردنە پێشاندا كە دەكاتە 25 لەسەدی نرخی بلیتەكان.
ئەو نرخەی یەكێتییەكە دای ناوە بۆ یارییەكان لە هەموو ئەو نرخانە بەرزترە كە پێشتر لە ئەمەریكای لاتین بۆ بینینی یارییەكانی خولە ناوخۆییەكان و جامی لیبرتادۆرێس خەرج دەكرا، لە كاتێكدا نرخەكە زۆر كەمترە لەوەی بینەر پێویستە بیدات بۆ بینینی یارییەكانی خولی یانە پاڵەوانەكانی ئەوروپا.