كلاودیۆ رانێری راهێنەری یانەی ئینتەر میلانی ئیتاڵی دڵنیایی خۆی لە مانەوەی تیاگۆ مۆتای یاریزانی بەرازیلی لە ریزی یانەكەیدا پێشاندا.
رانێری دووپاتی كردەوە كە گوێ لە قسەی بەڕێوەبەری كارەكانی یاریزانان ناگرێت كە بە دوای پارەدا لێدوانی سەیر دەدەن و گوتی دڵنیام لەوەی مۆتا ئەمساڵ بە هیچ لایەكدا ناڕوات.
رانێری گوتی لە بارەی تیاگۆ سیلڤاوە دەبێ واقیع بین بین و هەندێك چاوەڕێ بكەین، من بایەخ بە قسەی بەڕێوەبەری كارەكان نادەم و گوێ نادەمە ئەوەی ئەوان چیدەڵێن، ئەگەر وا بكەم دەبێ هەموو ژیانی خۆم بەدیار تویتەر و فەیسبووكەوە بەسەر بزانم تا بزانم ئەوان چۆن بیر دەكەنەوە.
پێشتر لیۆناردۆی بەڕێوەبەری وەرزشی لە یانەی پاریس سانجێرمان گوتبووی پەیوەندییەكی باشمان لەگەڵ ئینتەر میلاندا هەیە و ئەوان دەیانەوێ مۆتا لای خۆیان بهێڵنەوە، لە كاتێكدا ئەو یاریزانە خۆی داوای رۆیشتنی لە یانەكەی كردووە و ئێمەش دەمانەوێ قسەی ئەو یاریزانە بكەینە راستی و بیهێنینە ریزەكانی یانەكەمانەوە.