ناوی براوەی خەڵاتەكانی ئۆسكاری كالچیۆی ئیتاڵی لە نێو باڵادەستیی میلاندا ئاشكرا كرا.
زڵاتان ئیبراهیمۆڤیج نازناوی باشترین یاریزانی بیانی و باشترین یاریزانی 2011ی خولەكەی بەدەست هێنا و ماسیملیانۆ ئەلێگری وەك باشترین راهێنەری ساڵ دەستنیشانكرا.
یانەی میلان زۆرترین یاریزانی لە پێكهاتەی نمونەیی ساڵدا هەبوو.
سەمیر هاندانۆڤیج وەك باشترین گۆڵچی و یانەی ئۆدینێزی وەك باشترین یانە و نیكۆلا ریزۆلی وەك باشترین ناوبژیوان دەست نیشانكران.
فابیۆ كەنەڤارۆ و ئەلیساندرۆ دیل پیرۆ خەڵاتی خزمەتگوزاریی ژیانیان وەرگرت و فابیۆ كاپیلۆ خەڵاتی تایبەتی رەخنەگرانی پێبەخشرا.
باشترین بەرگریگەر بۆ تیاگۆ سیلڤای بەرگریكەری یانەی میلان بوو. یانەی میلان زۆرترین خاڵی بەدەست هێناوە كە 80 خاڵە و ئەدینسۆن كاڤانی گۆڵكەری ساڵە بە 28 گۆڵ.