سەرچاوە رۆژنامەوانییەكانی ئینگلتەرا ئاشكرایان كردووە كە لەوانەیە یەكێتیی تۆپی پێی ئینگلتەرا سزای ماریۆ بالۆتێلی هێرشبەری سەر بە كێشەی یانەی مانچستەر ستی بدات بە راگرتنی بۆ ماوەی 4 یاری.
رۆژنامەی تەلیگرافی ئینگلیزی گوتی یەكێتییەكە بالۆتێلی بە توندوتیژی لە یاری یانەكەی بەرامبەر یانەی تۆتنهام هۆتسپێر لە خولی ئینگلیزی تۆمەتبار كردووە كە یارییەكە 3-2 لە بەرژەوەندی مانچستەر ستی كۆتایی هات.
لە یارییەكەدا بالۆتێلی بە ئەنقەست بە ئەژنۆی خۆی لە سكۆت پاركەری بەرگریكەری یانەی تۆتنهامی دا، بەڵام ئەوكات هاوارد ویپی ناوبژیوان هیچ هەڵەیەكی بەرامبەر بالۆتێلی نەژمارد و ئەوەش بووە جێگای رەخنەی هاری ریدناپی راهێنەی تۆتنهام و دوای یارییەكە گوتی دەبوایە ناوبژیوان بالۆتێلی دەربكات.
بالۆتێلی لە یارییەكەدا سەركەوتوو بوو لە پێشەوایەیتیكردنی یانەكەی بۆ بردنەوەیەكی گرنگ دوای ئەوەی لە دوا خولەكەكانی یارییەكەدا پەنارتییەكی بۆ گیرا و سەركەوتووانە توانی گۆڵی بردنەوەی تیپەكەی تۆمار بكات.