ئەندرێس ئینێستای یاریزانی ناوەڕاستی یانەی بەرشەلۆنەی ئیسپانی لە یاریكردنی یانەكەیدا بەرامبەر یانەی مەلەگە لە چوارچێوەی خولی ئیسپانی گەیشتە ژمارەیەكی نوێ كە ئەنجامدانی 384 یارییە لەگەڵ ئەو یانەیە لە هەموو پاڵەوانیەتییەكان.
یارییەكە لە بەرژەوەندی بەرشەلۆنە 4-0 كۆتایی هات.
ئینێستا بەر لە دەركەوتنی یەكەمجاری پەیوەندی بە ئەكادیمیای لاماسیای یانەی بەرشەلۆنەوە كرد و یەكەم یاری ئەو یاریزانە لەگەڵ یانەكەی ساڵی 2002 بوو لە خولی یانە پاڵەوانەكانی ئەوروپا بەرامبەر یانەی كلوپ پروجی بەلجیكی.
لەو كاتەوە ئەو یاریزانە تەمەن 27 ساڵە بووەتە یاریزانێكی سەرەكی لە پێكهاتەی تیپەكەی و تا ئێستا 37 گۆڵی بۆ بەرشەلۆنە تۆمار كردووە لە سەرجەم پاڵەوانیەتییەكان.
ژمارەی یارییەكانی ئینێستا لەگەڵ بەرشەلۆنە بەم شێوەیەیە: 257 یاری لە خولی ئیسپانی، 73 یاری لە خولی یانە پاڵەوانەكانی ئەوروپا، 38 یاری لە جامی شای ئیسپانیا، 6 یاری لە جامی سوپەری ئیسپانی، 2 یاری لە جامی سوپەری ئەوروپی و 5 یاری لە مۆندیالی یانەكان و 3 یاری لە جامی یەكێتیی ئەوروپی.