خۆسێ فرانسیسكۆی راهێنەری یانەی ڤیاریالی ئیسپانی بڕیاری دا نیلماری هێرشبەری بەرازیلی لە پێكهاتەی یانەكەی بۆ رووبەڕووبوونەوەی یانەی سپۆرتینگ خیخۆن دوور بخاتەوە لەبەرئەوەی ئەو هێرشبەرە نزیكە لەوەی پەیوەندی بە یانەی ساوپاولۆی بەرازیلییەوە بكات.
رۆژنامەی ئاسی ئیسپانی ئاشكرای كردووە كە خۆسێ مانوێل بانیزای جێگری سەرۆكی یانەكە ئێستا لە بەرازیلە بۆ تەواوكردنی كارەكانی گواستنەوەی ئەو یاریزانە كە نرخەكەی دەگاتە 8 ملیۆن یۆرۆ لەگەڵ ئاڵوگۆڕكردنی بە یاریزان كارلۆس كازیمیرۆ لە یانەی ساوپاولۆوە.
مۆلینا بڕیاری دوورخستنەوەی نیلماری 27 ساڵی بۆ ئەوە گەڕاندەوە كە ئەو یاریزانە لە رووی دەروونییەوە بۆ یاریكردن ئامادە نییە و دۆخێكی نا سەقامگیری هەیە.
نیلمار دوای گەڕانەوەی لە پێكان پەیوەندی بە مەشقەكانی یانەكەیەوە كردەوە و تا ئێستا هیچ لێدوانێكی لەبارەی ئەگەری گواستنەوەی نەداوە.