چەند سەرچاوەیەك لە تیمی پزیشكیی یانەی میلانی ئیتاڵییان گواستەوە كە ئەنتۆنیۆ كاسانۆی هێرشبەری یانەكە لە مانگی چواری داهاتوودا دەگەڕێتەوە بۆ یاریكردن.
بەپێی ئەو سەرچاوانە تیمەكە گوتویانە دۆخی تەندروستی كاسانۆ زۆر باشترە لەوەی پێشبینی دەكرا و لە توانایدا دەبێت لە سەرەتاكانی مانگی نیسانی داهاتوودا بگەڕێتەوە یاریگاكان بۆ یاریكردن.
ئەم هەواڵانە هاندەرانی یانەی میلانی دڵخۆش كرد و بووە مایەی دڵخۆشی هاندەرانی هەڵبژاردەی ئەڵمانیاش، چونكە ئەگەر وادەی گەڕانەوەكەی راست بێت ئەوا كاسانۆ دەتوانێ بۆ ماوەی 7 تا 8 هەفتە لەگەڵ یانەكەیدا مەشق و یاری بكات و بەوەش ئەگەری بەشداریكردنی لە یۆرۆی 2012 بە شێوەیەكی بەرچاو بەرز دەبێتەوە.
كاسانۆ لە مانگی 10ی ساڵی رابردوودا دووچاری جەڵتەی دڵ هات و بەهۆیەوە نەشتەرگەری ئەنجامدا و لەو كاتەوە نەیتوانیوە بەشداری یارییەكانی یانەكەی بكات.