سەرچاوە رۆژنامەوانییەكانی باشووری ئەفەریقا ئاشكرایان كرد بەرگریكەرێكی پێشووی هەڵبژاردەی باشووری ئەفەریقا كوژرا دوای ئەوەی لەبەردەم ماڵی كچە هاوڕێكەیدا لە شارۆكەی كرونچاد بەر چەقۆ درا.
سەرچاوە رۆژنامەوانییەكان لە زاری گوتەبێژی پۆلیسی ناوچەكەیان گواستەوە كە جیفری نتۆكای بەرگریكەری پێشووی هەڵبژاردەی باشووری ئەفەریقا لە كاتی بوونیدا لەو ناوچەیە داوای شقارتەی لە شەش كەس كردووە كە لە وێدا بوون و ئەوەش ناكۆكی و شەڕی لە نێوانیاندا لێكەوتووەتەوە و یەك لەو شەش كەسە بە چەقۆ هێرشی كردووەتە سەر نتۆكا و چەند چەقۆیەكی لە سنگی داوە و كوشتویەتی.
نتۆكای 26 ساڵ كاروانی وەرزشیی خۆی لە یانەی چێڵسی لە ساڵی 2003 دەست پێكرد و 5 ساڵ بە شێوەی خواستن یاری بۆ یانەی سترۆلۆی بەلجیكی كرد و دواتر گەڕاوەتەوە وڵاتەكەی خۆی و لەگەڵ یانەی كایزەر چیفس و سۆبۆرت یونایتد یاری كردووە.
باشووری ئەفەریقا بەدەست بەرزبوونەوەی كێشەی كوشتن و تاوانە جۆرەكانەوە دەناڵێنێت.