ئیكەر كاسیاسی گۆڵچی یانەی ریال مەدریدی ئیسپانی ئەمشەو لە شكاندنی ژمارەیەكی نوێ نزیك دەبێتەوە كاتێك بەشداری یاری نێوان یانەكەی و یانەی ئەتلەتیك بلباو دەكات لە یاری هەفتەی یەكەمی دواخراوی خولی ئیسپانیدا لە یاریگەی سانتیاگۆ برنابیۆ.
ئەو ژمارەیەی كاسیاس دەیگاتی بریتییە لە یاری ژمارە 600 لەگەڵ یانەی ریال مەدرید.
كاسیاسی كاپتنی یانەكە لە 12ی ئەیلوولی 1999 یەكەم یاری خۆی لەگەڵ یانەی ریال مەدرید ئەنجامدا بەرامبەر یانەی بلباو بە هەمان شێوە و ئەوكات یارییەكە 2-2 كۆتایی هات.
كاسیاس لە دوای یارییەكەی ئەمشەوەوە تەنیا یەك یاری دەمێنێت بۆ ئەوەی ژمارەی یارییەكانی لەگەڵ ریال مەدرید هاوتای فرناندۆ هێرۆی بەرگریكەری پێشووی یانەكەدا هاوتا بكاتەوە كە پلەی پێنجەمی لە ریزبەندی ئەو یاریزانانەدا گرتووە كە زۆرترین یارییان لەگەڵ یانەی شاهانەدا ئەنجامداوە.
ئیستا لە پێش كاسیاسەوە تەنیا رائول و سانچێز و كارلۆس سانتیا و خینتۆ هەن كە ژمارەی یارییەكانیان لەگەڵ ریال مەدرید بریتییە لە 741 یاری بۆ رائول و 709 یاری بۆ سانچێز و 645 یاری بۆ سانتیانا و 602 یاری بۆ خۆینتۆ.
كاسیاس لەگەڵ هەڵبژاردەی ئیسپانیاش خاوەنی ژمارەی پێوانەییە و تا ئێستا 127 یاری بۆ هەڵبژاردەكەی تۆمار كردووە و لە ماوەی 12 ساڵ یاریكردن لەگەڵ یانەی ریال مەدرید 13 نازناوی بەدەست هێناوە.