هەرچەندە دیڤید بێكهام ویستی یەكەمی بریتییە لە بردنەوەی نازناوی خولی ئەمەریكی لەگەڵ یانەی لۆس ئەنجلۆس گالاكسی بۆ جارێكی تر، بەڵام ئەو یاریزانە حەزێكی زۆری بۆ بەشداریكردن لەگەڵ هەڵبژاردەی ئینگلتەرا هەیە لە ئۆڵۆمپیادی لەندەنی 2012.
كاپتنەكەی پێشووی هەڵبژاردەی ئینگلتەرا پێشتر بەشداری هیچ ئۆڵۆمپیادێكی نەكردووە و ئەوەش وایكردووە ویستێكی زۆری بۆ ئۆڵۆمپیادی لەندەن هەبێت.
بێكهامی 36 ساڵ گوتی ئەوە رووداوێكی مەزنە بۆ من، روودانی ئۆڵۆمپیاد لە ناوچەی وێست ئایند كە منی تێدا گەورەبووم و ئەوەش شتێكی نایابە، لەبەرئەوە من دەمەوێ بەشێك بم لەو رووداوە و خواستی گەورەی منە ئەوە بكەم.
هەروەها گوتی پێشتر بەشداری ئۆڵۆمپیادم نەكردووە ئەوەش وروژانێكی گەورەی بۆ من تێدایە.
بێكهام دووپاتی كردەوە هەموو هەوڵی خۆم دەدەم بۆ ئەوەی بەهۆی ئاستی بەرەزەوە بەرپرسانی هەڵبژاردەی ئینگلتەرا ناچار بكەم بمبەن بۆ ئەو رووداوە.