ئیكەر كاسیاسی گۆڵچی یانەی ریال مەدریدی ئیسپانی دانی بەوەدانا تیپەكەی لە بەرامبەر بەرشەلۆنەدا دووچاری كێشەی دەروونی هاتووە.
لێدوانی كاپتنەكەی ریال مەدرید دوای دۆڕانێكی تری ریال مەدرید لە بەرامبەر بەرشەلۆنە هات لە وەرزی ئەمساڵدا لە یاری چوونی قۆناخی هەشتی جامی شای ئیسپانیا بە ئەنجامی 1-2.
كاسیاس لەدوای یارییەكە لە لێدوانی بۆ كەناڵ پلەس گوتی لە گێمی یەكەمدا ئەوەمان كرد كە خۆمان دەمانویست، لەگەڵ ئەوەشدا كۆنترۆڵی تۆپمان نەكرد و ئەوەش كارێكی جێگەی داخە.
لەبارەی بەرشەلۆنەوە كاسیاس گوای ئەوان باشتر بوون و شایستەی بردنەوە بوون بە ئەنجامێكی گەورەتریش لەوەی رووی دا.
هەروەها گوتی كێشەی دەروونیمان لەگەڵ بەرشەلۆنەدا هەیە، ئێمە بە چەندین شێوەی جیاواز یارییان لەگەڵدا دەكەین و ئەوان هەر سوورن لەسەر شێوازی خۆیان كە پاساتی كورتە، هیوادارم رۆژێك بتوانین هێندە ئاستی دەروونیمان باش بكەین وەك هەر تیپێكی تر بەرامبەر بەرشەلۆنە یاری بكەین.