شڤانشتایگەری یاریزانی ناوەڕاستی یانەی بایرن میونشنی ئەڵمانی خۆی بۆ وەرگرتنەوەی رۆڵی پێشەوای هێڵی ناوەڕاستی یانەكەی ئامادە دەكات دوای چاكبوونەوەی لەو پێكانەوەی كە ماوەی 2 مانگ و نیو لە یاریگاكان دووری خستەوە و دووپاتیشی كردەوە كە ویستی ئەو دەركەوتنە بە ئاستێكی بەرزەوە لە یەكەم یاری بەرامبەر برووسیا مونشنگلادباخ.
شڤاینی گوتی چاوەڕێی زۆر لە خۆم دەكەم چونكە تیپەكەی ئێستامان كە هاینیكس رابەرایەتی دەكات زۆر لەو تیپە بەهێزترە كە ساڵی 2010 نازناوی جام و خولی ئەڵمانیای بەدەست هێنا و گەیشتە یاری كۆتایی خولی یانە پاڵەوانەكانی ئەوروپا.
هەروەها گوتی دەمەوێ ئاستی بەر لە پێكانم وەربگرمەوە، دەبێ هەموومان كاربكەین بۆ ئەوەی كاروانی وەرزی ئەمساڵمان كە زۆر نایابە تا كۆتایی درێژەی هەبێت.
لەبارەی ماوەی پێكانەكەیەوە ئەو ئەستێرە ئەڵمانییە گوتی قۆناخێكی زۆر قورس بوو و نەمدەتوانی هیچ شتێك بكەم، ئێستا ئامادەم و دەمەوێ هەموو شتێك بكەم.