دیگۆ ئەرماندۆ مارادۆنای راهێنەری یانەی وەسڵی ئیماراتی هێرشێكی توندی كردە سەر لیۆناردۆی بەڕێوەبەری وەرزشی لە یانەی پاریس سانجێرمانی فەرەنسی و گوتی ئەو نازانێ كارەكەی خۆی چییە؟
مارادۆنا لە لێدوانی بۆ رۆژنامەی ماركای ئیسپانی گوتی تێناگەم تا ئێستا لیۆناردۆ كاری چییە لە یانەی پاریس سانجێرمان، دوای ئەوەی راهێنانی هەردوو یانەی میلان و ئینتەر میلانی واز لێهێنا؟
مارادۆنا هێرشی كردە سەر لیۆناردۆ و گوتی نازانم ئەو یاریزانە یان راهێنەر یان بەڕێوەبەری كاری یاریزانانە یان وەبەرهێنی نەوتە؟
هەروەها پەلاماری لیۆناردۆی دا لەبەرئەوەی مەشقی دوو یانەی دژ بەیەكی لە ئیتاڵیا كردووە و گوتی مەشقدان بە دوو تیپی دژی یەك لەبەر پارە لە تۆپی پێدا بە خیانەت ناودەبرێ، كارەكە وەك ئەوە وایە لە ئەرجەنتین لە بۆكاجۆنیۆرزەوە بچیتە یانەی ریڤەرپلەیت.
لیۆناردۆ بەرپرسی گەڕانەوەی یانەی پاریس سانجێرمانە بۆ پێشەنگی خولی فەرەنسی بەهۆی هێنانی ژمارەیەك یاریزانی بە توانای بۆ ریزی ئەو یانەیە لە هاوینی رابردوودا.