رۆجێ فێدرێر و رافایل نادالی خاوەنی پلەكانی سێییەم و دووەمی ریزبەندی یاریزانانی تێنسی سەرزەوی درێژەیان بە ئاستی باشی خۆیان لە پاڵەوانیەتیی تێنسی دەوحە كە بە قەتەر ئیكسۆن مۆبیل ناسراوە دا، دوای ئەوەی سەركەوتنیان بۆ قۆناخی هەشتی پاڵەوانیەتییەكە مسۆگەر كرد.
ئەو دوو یاریزانە گەیشتنە قۆناخی داهاتووی پاڵەوانیەتییەكە كە كۆی خەڵاتەكانی دەگاتە 1.024 ملیۆن دۆلار دوای ئەوەی دوێنێ چوارشەمە لە قۆناخی دووەمی پاڵەوانیەتییەكەدا سەركەوتنیان بەدەست هێنا.
نادال توانی لە دینیس گریملمایەری ئەڵمانی بباتەوە بە 2 كۆمەڵەی بێبەرامبەر و فیدرێر بە هەمان شێوە و بە دوو كۆمەڵەی بێبەرامبەر لە گریگا زیمیلیای سلۆڤینی بردەوە.
لە یارییەكانی تری رۆژی چوارشەمەدا ڤیكتۆر ترۆیسكی سڕبی لە ماتیاس باشینگەری ئەڵمانی بردەوە 2-0 و ئەندرێس سیپی ئیتاڵی لە جویرمۆ گارسیای ئیسپانی بردەوە بە هەمان ئەنجام و ئەلبێرت رامۆسی ئیسپانی گەیشتە هەمان قۆناخ دوای ئەوەی ئەلێكس بۆگۆمۆلۆڤ پاشەكشەی كرد لە پاڵەوانیەتییەكە.