سەردانكەرانی ماڵپەری گۆڤاری فرانس فوتبۆڵی فەرەنسی بەناوبانگ، كریستیانۆ رۆناڵدۆی ئەستێرەی یانەی ریال مەدریدی ئیسپانییان بە باشترین یاریزانی ساڵی 2011 دەست نیشانكرد.
فرانس فوتبۆڵ ساڵانە بە هاوبەشی لەگەڵ فیفا خەڵاتی باشترین یاریزانی ساڵ دەبەخشێت و لە راپرسییەكەدا رۆناڵدۆ پێش هەریەك لە لیۆنێل میسی ئەرجەنتینی و چاڤی هێرناندێزی ئیسپانی یاریزانانی یانەی بەرشەلۆنە كەوتووە.
گۆڤارەكە لەسەر متاڵپەری خۆی ئاشكرای كردووە راپرسی كردووە لەسەر ئەو یاریزانەی شایستەی تۆپی زێڕینی ئەمساڵە و هەڵبژاردنەكانی هاندەرانی بریتی بووە لە دەست نیشانكردنی رۆناڵدۆ بە باشترین كە ئەوەش لای زۆر كەس سوپرایز بووە و رۆناڵدۆ لەو راپرسییەدا 63.5 لە سەدی دەنگەكانی بەدەست هێناوە و دوای ئەو میسی بە 30.4 لە سەدی دەنگەكان و چاڤی بە 5.97ی دەنگەكان سێیەم بووە.
وێڕای ئەو راپرسییە و چەندانی تر پێشبینی دەكرێ خەڵاتەكە بدرێتە میسی دوای ئەوەی وەرزی رابردوو لەگەڵ بەرشەلۆنەدا 5 نازناوی جیای بەدەست هێنا.