راپۆرتێكی رۆژنامەوانی ئاشكرای كردووە یانەی ئەتلەتیكۆ مەدرید لە ساڵی 2000ەوە تا ئێستا 108 یاریزانی كڕیوە و لەو ژمارە یاریزانەشدا بڕی 423 ملیۆن یۆرۆی خەرج كردووە بەبێ ئەوەی ئەنجامێكی بەرچاو بەدەست بێنن.
ئەتلەتیكۆ لە دوای ریال مەدرید و بەرشەلۆنەوە هات كە خاوەنی پلەی یەكەم و دووەمن لە كڕینی یاریزانانیشدا و دیارترین گرێبەستی ریال مەدریدیش لە ساڵی 2000ەوە كڕینی كریستیانۆ رۆناڵدۆ و كاكا بووە.
یانەی ریال مەدرید لە كڕینی یاریزاناندا پێشەنگی گرتووە و 98 ملیۆن یۆرۆی لە گرێبەستكردن لەگەڵ 61 یاریزاندا خەرج كردووە كە 12 یاریزانی ئیسپانی و 49 یاریزانی دەرەوەی ئیسپانیا بوون.
لە بەرامبەردا بەرشەلۆنە 757 ملیۆن یۆرۆی لە كڕینی 59 یاریزاندا خەرج كردووە كە 11 ئیسپانی و 48 بیانی بوون.
یانەی ئەتلەتیكۆ مەدرید بەو 108 یاریزانە تەنیا نازناوی خولی یۆرۆ لیگی لە ساڵی 2010 بەدەست هێناوە و دوای ئەو 3 یانەیە، یانەی ڤالنسیا پلەی چوارەمی لە كڕینی یاریزاناندا گرتووە كە 379 ملیۆنی خەرج كردووە و ڤیاریالیش بڕی 227 ملیۆن یۆرۆی خەرج كردووە.