دوای ئەوەی یانەی ریال مەدرید بە فەرمی دەستبەرداری راهێنەر مانوێل بلگرینی بوو، لە شوێنی ئەو جۆزێیە مۆرینهۆی وەكو راهێنەر دەستنیشان كرد، مانوێل بلگرینی لە دیمانەیەكیدا لەگەڵ رۆژنامەی ماركای ئیسپانی چەندین نهێنی سەبارەت بە یانەكە ئاشكرا كرد و وتی: لە مانگی 8ی ساڵی رابردوو تا ئێستا هیچ قسەیەكم لەگەڵ پێرێز نەكردووە و نازانم پێرێز بۆ دەستبەرداری هەریەكە لە شنایدەر و رۆبن بوو لە سەرەتای وەرزی ئەمساڵ؟ بەمكارەی هەڵەیەكی گەورەی كرد.

بلیگرینی بەردەوام بوو لە قسەكانی وتی: ئەگەر ئەمساڵ ریال مەدرید نازناوی خولی ئیسپانیای بە دەست بهێنابایە، هەر دەستبەرداری من دەبوون، لە خولی یانە پاڵەوانەكانی ئەوروپا هۆكاری چوونە دەرەوەمان بۆ نەبوونی لێهاتوویی جەستەیی دەگەڕێتەوە، بەڵام بەرپرسیارم لە چوونە دەرەوەی ریال مەدرید لە جامی شای ئیسپانیا.

لە كۆتاییدا بلگرینی وتی: بەم بڕیارە رازیمە كە منیان لە پۆستی راهێنەرایەتی یانەی ریال مەدرید لادا.