ئه‌ردۆغان، خۆپیشانده‌رانی‌ به‌ تیرۆریست وه‌سف كرد

ئه‌ردۆغان، خۆپیشانده‌رانی‌ به‌ تیرۆریست وه‌سف كرد
17 حوزه‌یران / یۆنیۆ (گوڵان میدیا)- سه‌رۆكوه‌زیرانی‌ توركیا، له‌ كۆبوونه‌وه‌ی‌ دوێنێی‌ لایه‌نگرانی‌ حیزبی‌ ده‌سه‌ڵاتداری‌ داد و گه‌شه‌پێدان، هێرشی‌ كرده‌ سه‌ر خۆپیشانده‌ران و چه‌ند میدیای‌ بیانیی‌ به‌ ورووژاندنی‌ خه‌ڵك تۆمه‌تبار كرد.

ره‌جه‌ب ته‌یب ئه‌ردۆغان، دوێنێ‌ له‌ كۆبوونه‌وه‌ی‌ لایه‌نگرانی‌ حیزبه‌كه‌ی‌ له‌ ئیستانبوڵ‌، هێرشی‌ كرده‌ سه‌ر خۆپیشانده‌ران و گوتی‌ گۆڕه‌پانی‌ ته‌قیسم ناداته‌ ده‌ست تیرۆریسته‌كان.

ئه‌ردۆغان هه‌روه‌ها هێرشی‌ كرده‌ سه‌ر ئاژانسه‌كانی‌ ده‌نگوباسی‌ بی‌ بی‌ سی‌ و سی‌ ئێن ئێن و رۆیته‌رز و ئه‌م میدیایانه‌ی‌ به‌ بڵاوكردنه‌وه‌ی‌ هه‌واڵی‌ درۆ و ناڕاست تۆمه‌تبار كرد.

هاوكات له‌گه‌ڵ‌ كۆبوونه‌وه‌ی‌ لایه‌نگرانی‌ حكوومه‌ت، به‌ هه‌زاران كه‌س له‌ خۆپیشانده‌ران، له‌ گۆڕه‌پانی‌ ته‌قسیم به‌ره‌وڕووی‌ هێزه‌كانی‌ پۆلیس بوونه‌وه‌ و رێگریی‌ پۆلیس، شه‌ڕ و پێكدادانی‌ لێكه‌وته‌وه‌.
Top