گومانی ژەهرخواردکردنی سەرکردەی ئۆپۆزسیۆنی روسیا کاردانەوەی لێدەکەوێتەوە
لەئێستادا سەرکردەی ئۆپۆزسیۆنی روسیا لەیەکێک لەنەخۆشخانەکانی ئەڵمانیایە و باری تەندروستی تێکچوە، پشکنینە سەرەتاییەکان ئاماژە بە ژەهرخواردنی دەکەن، ئەوەش کاردانەوەی ناوخۆیی و دەرەکی بەدواداهات.
پێویستە روسیا ئەنجامدەرانی ئەو کەیسە دەستنیشان بکات و رەوبەروی بەرپرسیارێتی بکاتەوە
بەگوێرەی هەواڵێکی ئاژانسی رۆیتەرز، ئەمرۆ دوشەممە نەخۆشخانەی چارتی لەبەرلین ئاشکرایکرد، پشکنینەکانی ئەلێکسی ناڤالنی سەرکردەی ئۆپۆزسیۆنی روسیا دەریدەخەن ناوبراو ژەهرخوارد کراوە و ئەوەش کاردانەوەی ئەڵمانیا و چەند وڵاتێکی دیکەی لێکەوتەوە، ئەمڕۆش ئەنگێلا مێرکڵ راوێژکاری ئەڵمانیا رایگەیاند، پێویستە روسیا ئەنجامدەرانی ئەو کەیسە دەستنیشان بکات و رەوبەروی بەرپرسیارێتی بکاتەوە.
ئەلێکسی ناڤالنی لەفڕۆکەیەکی سیبریادا بێهۆشکەوت و رەوانەی نەخۆشخانە کرا.
رۆژی پێنجشەممەی رابردو لەکاتی هەڵمەتەکانی سیبریا نەخۆشکەوتوە و رەوانەی ئەڵمانیا کرا بۆ چارەسەرکردن
ناڤالنی ماوەیەکی زۆرە ئۆپۆزسیۆنی ڤیلادمیر پوتینی سەرۆکی روسیایە و رۆژی پێنجشەممەی رابردو لەکاتی هەڵمەتەکانی سیبریا نەخۆشکەوتوە و رەوانەی ئەڵمانیا کرا بۆ چارەسەرکردن.
راوێژکاری ئەڵمانیا داواشی لەروسیا کردوە لێکۆڵینەوە لەکەیسی ژەهرخواردکردنی سەرکردەی ئۆپۆزسیۆنی وڵاتەکەی بکات و ئەنجامدەرانی روبەروی بەرپرسیارێتی بکاتەوە.
خەندان