کتێبی "دیرۆکا رۆژنامەڤانیێ ل ئاکرێ" بڵاوکرایەوە
زێرەڤان تەمو، نووسەری کتێبەکەیە راگەیاند، کتێبەکە باسی مێژووی رۆژنامەڤانیی ئاکرێ دەکات، وێنەی یەکەم بڵاوکراوەی رۆژنامەڤانی لە ئاکرێ تێدایە کە لە ساڵی 1950 لەسەر دەستی نووسەر و رۆژنامەڤان شاکر فەتاح بەناوی "ئاکرێ" بڵاوکرایەوە.
نووسەر لە بەشێکی دیکەی قسەکانیدا ئاماژە بەوە دەدات کە ئەو وەک نووسەر و رۆژنامەڤانێک ویستویەتی کە مێژووی رۆژنامەگەری لە ئاکرێ بە خوێنەران ئاشنا بکات "چونکە رۆژنامەگەری لە ئاکرێ دەستکەوتی گرنگ و سەرنجڕاکێشی هەبووە".
نووسەر خەڵکی ئاکرێیە و دەشڵێت، لە ساڵی 2017ـەوە سەرقاڵی کۆکردنەوە و نووسینی ئەو کتێبەیە و توانیویەتی لە دەرگای زۆر کەس بدات بۆ کۆکردنەوە و بە دۆکیۆمێنتکردنی ئەو بابەتانە تاوەکو لە پەرتووکێکدا کۆیان بکاتەوە و بیخاتە بەردەستی خوێنەران.
رووداو