بۆ جاری سێیەم فیلمێکی دەرهێنەری ئەمریکی وۆدی ئالن، وەک فیلمی دەستپێک لە فێستیڤاڵی سینەمایی کان نمایشدەکرێت.



"کۆفی سۆسایەتی" نوێترین فیلمی ئەو دەرهێنەرەیە، تێیدا کریستین ستیوارت و جیسی ئایزنبێرگ رۆڵی سەرەکی دەگێڕن.



ئالن دەبێتە یەکەم دەرهێنەر کە بۆ سێیەم جار فێستیڤاڵی کان بە فیلمی ئەو دەست پێبکات.



یەکەم فیلمی ئەو دەرهێنەرە بەناوی "هۆلیوود ئاندنگ" لە ساڵی ٢٠٠٢ و دووەم فیلمی بەناوی "میدنایت ئین پاریس" لە ساڵی ٢٠١١ لە دەستپێکی کاندا نمایشکران.



بڕیارە لە مانگی نیسانی ئەمساڵدا ناوی تەواوی فیلمە بەشداربووەکانی فێستیڤاڵ ئاشکرا بکرێن.