یەکەم گەلەری فۆتۆگرافی لە هەولێر کرایەوە
لە رێورەسمی کردنەوەی گەلەرییەکەدا پێشانگەى هاوبەشى فۆتۆگرافى "پێشمەرگە و گەریلا" بەبەشدارى 11 فۆتۆگرافەر کرایەوە کە پێكهاتوون لە فارس سەعدى، سەردار عیسا، شڤان هەركى، شارا بابان، زیرەك ئەبو سەباح، محەمەد موسەوى، نەوزاد محەمەد، ولیام كارتەر، یونس محەمەد، رێبین هەسارى و مەروا سەركەوت.
هەریەك لە بەشداربوان بەجۆرێك وێنەى پێشمەرگە و گەریلاى گرتووە و لایەنێك لەلایەنەكانى جوانى و هێز و توانا و ئەرك و ماندووبون و لێبوردەیى پێشمەرگەى دەرخستووە.
هاوكار رسكن بەرێوەبەرى گالەرى فۆتۆگرافەران لە هەولێر بە ئاژانسی پەیامنێری راگەیاند، ئەم گالەرییە هەنگاوێكە بۆ دامەزراندنى پلاتفۆرمی موزەیەكى تایبەت بە ئەرشیفى هونەرى فۆتۆگراف لە كوردستاندا.
گوتیشی: لێرەدا بەپێویستى دەزانم سوپاسى جێگرى پارێزگارى هەولێر بكەم بەپێدانى شوێنى گالەرییەكە و هەروەها تێچووى دامەزراندن و بەرێوەبردنى كەوتۆتە ئەستووى هاوكار گروپ، پردى هونەرى و رۆشنبیرى كوردى.
