بەبۆنەی ساڵیادی راگەیاندنی مافەکانی منداڵاندا، یادی منداڵە ئەنفالکراوەکانی کرد کرایەوە.

نووسینگەی مافی مرۆڤ لە گەرمیان، پێشانگایەکەی دیکۆمێنتاری منداڵانی ئەنفالکراو بەناونیشانی "یادی منداڵانی جیهان و تابلۆی پەپوولە هەڵوەریوەکان لە ئەنفالی گەرمیاندا" کردەوە.

پێشانگاکە بەیانی ئەمڕۆ دووشەممە، لە ماڵی شێوەکاران لە بەڕێوبەرایەتیی رۆشنبیریی و هونەری گەرمیان بەڕێوەچوو.

لە پێشانگاکەدا ژمارەیەک وێنەی منداڵە ئەنفالکراوەکان نمایشکران و لە مەراسیمی کردنەوەیدا ژمارەیەک لە کەسوکاری قوربانیانی ئەنفال و بەرپرس و رۆشنبیران و هونەرمەندان ئامادەبوون.