كۆنسێرتەكانی مەیدانی تەقسیم هەڵوەشیانەوە

كۆنسێرتەكانی مەیدانی تەقسیم هەڵوەشیانەوە
8 حوزه‌یران / یۆنیۆ (گوڵان میدیا)- بە دەستپێشخەری چەندین رێكخراوی مەدەنی توركیا بڕیار بوو رۆژی پێنج شەممە بۆ پشتگیریكردن لە ئارامی و كۆتایی هێنان بە خۆپیشاندانەكانی توركیا لە مەیدانی تەقسیمی توركیا كۆنسێرتێك بۆ هونەرمەندە ناودارەكانی توركیا ساز بكرێت.

لەمبارەیەوە ماڵپەڕی تی ئار تی خەبەری توركی بڵاویكردەوە كە بڕیار بوو رۆژی پێنج شەممە لە سەر داواكاری خەڵك و بە دەستپێشخەری چەندین رێكخراوی مەدەنی توركیا بە مەبەستی پشتگیری كردن لە ئارامی و هێوەر كردنەوەی بارودۆخی مەیدانی تەقسیم و كۆتایی هێنان بە خۆپیشاندانەكانی شارەكانی توركیا كۆنسێرتێك بۆ چەندین هونەرمەندی ناوداری توركیا وەكو سۆزان ئاكسو، دەمیر دەمیركان، سەرتاب ئەرەنەر و چەندین هونەرمەندی دیكە ساز بكرێت، بەڵام بە هۆی بەردەوام بوونی خۆپیشاندانەكان و نائارامییەكان لە مەیدانی تەقسیم، هونەرمەندەكان رایانگەیاندووە كە ئامادە نین بەشداری لەم كۆنسێرتە بكەن.

هەر یەك لە سۆزان ئاكسو، دەمیر دەمیركان و سەرتاب ئەرەنەر ئاماژەیان بەوە كردووە كە خۆپیشاندانەكانی مەیدانی تەقسیم خزمەتی چەند گرووپ و لایەنێكی سیاسی دەكەن بۆیە ئەوان ئامادە نین هونەری خۆیان بكەنە قوربانی ئەجەندای پارت و لایەنە سیاسییەكان و بەشداری لەم كۆنسێرتە ناكەن.
Top