له‌ به‌غدا هونه‌ری شێوه‌كاری كوردی خرایه‌ روو

له‌ به‌غدا هونه‌ری شێوه‌كاری كوردی خرایه‌ روو
29ی تشرینی دووه‌م/نۆڤمه‌به‌ر(گوڵان میدیا)- له‌ به‌غدای پایته‌ختی عێراقی فیدراڵ، به‌ به‌شداری چه‌ندین شیوه‌كاری كورد، هونه‌ری شیوه‌كاری كوردی خرایه‌ روو.

ئه‌م چالاكییه‌ له‌ یه‌كێك له‌ هۆڵه‌كانی وه‌زاره‌تی رۆشنبیری له‌ شاری به‌غدا له‌ لایه‌ن ماڵی رۆشنبیری و بڵاوكردنه‌وه‌ی كوردی و به‌ هاوكاری به‌ڕێوبه‌رایه‌تی شێوه‌كاری وه‌زاره‌تی رۆشنبیری عێراقی كرایه‌وه‌.

له‌ پێشانگاكه‌دا شێوه‌كارانی كورد شوكر باجه‌لان، مونا محه‌مه‌د غولام، ساڵح نه‌جار، عه‌باس محیه‌دین زه‌هاوی و موراد ئیبراهیم موراد، به‌رهه‌مه‌كانیان خسته‌ روو.

ئه‌م پێشانگایه‌ یه‌كێك له‌ چالاكییه‌كانی خۆئاماده‌كردنی به‌غدایه‌ بۆ پایته‌ختی رۆشنبیری عه‌ره‌بی بۆ ساڵای 2013.
Top