داكۆكى له‌سه‌ر باشتركردنى به‌رنامه‌ى تواناسازى كرايه‌وه.
له كۆبوونه‌وه‌كه‌دا چاره‌سه‌ركردنى كێشه‌ى ئه‌و كانديدانه‌ى كه پێشتر ناويان له به‌رنامه‌ى تواناسازى بۆ خوێندن له ده‌ره‌وه‌ى وڵات ده‌رچووه و تا ئێستا نه‌يانتوانيوه ده‌ست به خوێندن بكه‌ن تاتوێ كرا و چۆنيه‌تيى چاره‌سه‌ركردنى ئه‌و كێشه‌يه خرايه به‌ر باس.
له به‌شێكى ديكه‌ى كۆبوونه‌وه‌كه‌دا گفتوگۆ له‌سه‌ر چۆنيه‌تيى به‌ڕێوه‌چوونى كاروبارى كانديده‌كانى ئه‌م خوله‌ى به‌رنامه‌ى تواناسازى و باشتركردنى كاره‌كان كرا و داواش له هه‌ردوو وه‌زاره‌تى خوێندنى باڵا و پلاندانان كرا كه به زووترين كات كارى پێويست بۆ ڕاگه‌ياندنى خولى تازه‌ى به‌رنامه‌ى تواناسازى بكرێت، به پێى ئه‌و مه‌رج و ڕێنماييانه‌ى كه بۆ وه‌رگرتن ديارى كراون.
دوايين ته‌وه‌رى كۆبوونه‌وه‌ى ليژنه‌ى باڵاى به‌رنامه‌ى تواناسازى، گفتوگۆ و تاوتوێكردنى ئه‌و كه‌موكوڕيانه بوو كه له به‌رنامه‌كه‌دا هه‌ن و داكۆكى له‌سه‌ر باشتركردنى به‌رنامه‌كه له هه‌موو ڕوويه‌كه‌وه و چاره‌سه‌ركردنى كێشه و كه‌موكوڕييه‌كان كرايه‌وه، به تايبه‌تيش له بوارى ده‌ستنيشانكردن و وه‌رگرتنى كانديده‌كاندا كه ده‌بێت به پێى ڕێنمايى و پێداويستييه‌كانى هه‌رێمى كوردستان بێت و گرنگى به‌و بوارانه‌ى خوێندن بدرێت كه بۆ ئه‌مڕۆ و داهاتووى كوردستان و زانكۆكانى هه‌رێمى كوردستان پێويستن.
