24 ئەیلوول/سێپتێمبەر (گوڵان میدیا)- كۆمپانیای گرین هاوسی ژاپۆنی گڵۆپێكی دروستكردووە كە وزەی كارەبایی بە بەكارهێنانی خوێواوک دروست دەكات و بۆ هەڵكردنی گلۆپ و هەر ئامێرێكی‌دیکه‌ی كارەبایی كە بەهۆی گەیاندنی كارەباوە بە كێبڵی یو ئێس بی كاربكات، بەكاردەهێنرێت.

ئەم بەرهەمە ناوی جی ئێچ 10یه‌ و خوێواوک له‌ بری كارەبا بۆ گەیاندنی هەردوو جەمسەری نێگەتیڤ و پۆزەتیڤ لە مەگنیسیۆمەوە بۆ جەمسەرەكەی‌دیکه‌ بەكاربۆن بەكاردەهێنێت.

ئەم گڵۆپە بۆ ئەوەی بە شێوەیەكی بەردەوام بۆ ماوەی 8 كاتژمێر كاربكات، پێویستی بە 350 میلیلیتر ئاو و 16 گرام خوێ و گەیەنەرێكی مەگنیسیۆم هه‌یه‌ كە دوای هەر 120 كاتژمێر بەكارهینان، پێویستیی به‌ گۆڕین هه‌یه‌.


-PNA