Duhî roja yekşemiyê 07.10.2012ê li bajarê Hewlêrê, Nêçîrvan Barzanî serokwezîrê Kurdistanê digel Doni Gwêz sefîrê Frasayê yê Îraqê û Alan Gêphat konsulê giştiyê Fransayê yê herêma Kurdistanê civiya.

Di civînê de, sefîrê Fransayê konsulê giştiyê nû yê Fransayê bo herêma Kurdistanê danasandin û behsa têkeliyên navbera Fransa û Kurdistanê kir û got ku, hebûna konsulxaneya fransayê li Hewlêrê nîşana wê yekê ye ku, Fransa giringiyeke taybet bi têkeliyên xwe yên di ware siyasî, rewşenbîrî, perwerdeyî, aborî û bazirganî de bi herêma Kurdistanê re dide.

Ji aliyê xwe ve, Nêçîrvan Barzanî serokwezîrê Kurdistanê sewyeya têkeliyên herêma Kurdistanê bi Fransayê re bilind nirxand û got ku, hikûmeta herêma Kurdistanê dixwaze di wan warande yên ku jib o her du aliyan giring in, têkeliyên xwe bi Fransayê reş bixin û berfireh bikin. Barzanî got ku, hikûmeta Kurdistanê dê hemû hêsankarî û hevakriyan bike da ku, rê li pêşiya kompanî û şirketên fransî xweş bike û beşdariyê di pirosesa avadankirina herêma Kurdistanê de bikin.

Li dor rewşa Îraqê û aloziya di navbera Hewlêr û Bexdayê de, serokwezîrê Kurdistanê tekîd kir ku, herêma Kurdistanê li gor destûra Îraqê tevdigere û gelek pêngav ji bona ku, hemû pirsgirêk bi rêyn aşitî û diyalogê bên çareserkirin û tu pirsgirêkên hilawîstî di navbera Hewlêr û Brxdayê de nemînin pêngav avêtine.

Rewşa Suriyeyê mijareke din a civînê serokwezîrê Kurdistanê û şandeya fransî bû û di vê çarçoveyê de her du aliyan dîtinên xwe berçav kirin. Serokwezîrê Kurdistanê gor ku, giringe civaka navdewletî helwestekî cidî li hember bûyerên li Suriyeyê diqewimin û ji bona rawestandina xûnriştinê nîşan bide.

Barzanî got ku, her birayreke gelên surî ji bo diyarkirina paşeroja welatê xwe bide, herêma Kurdistanê di bi wê biryarê re be.