Li bajarokê Xaneqînê li devera Germiyan ya Herêma Kurdistanê, li dijî girtina navenda sûtemenî ya bajêr û derxistina polîsên kurd ji kar, xwepêşandan hat kirin.

XanaqinSerokê lêjneya parastina berjewendiyên gelê Xaneqînê, Selam Ebdula, got, me îro bi alîkariya welatiyên Xaneqînî, li dijî girtina navenda sûtemeniya bajêr û derxistina polîsên kurd li wir ji aliyê wezareta petrola Iraqê ve, xwepêşandan kir.

Endamê lêjneya han, Emî Elî jî got, xelk dixazin navenda sûtemeniyê demildest bê vekirin û karkirên nû bên wergirtin, her wiha bilîtên taybet bo dabeşkirina sûtemeniya zivistanê bên çêkirin û pêşiya gendeliyê bê girtin û heyama kar jî bibe 7 saet.

Elî, diyar kir, yek ji daxaziyên girîng ew e ku polîsên kurd dîsa vegerin ser karê xwe û heke ev yek nehat cîbicîkirin divê hikûmeta herêmê wan polîsan werbigire.

AKnews