Nêçîrvan Barzanî serokê hikûmeta herêma Kurdistanê, duhê roja çarşemiyê 12.09.2012ê li bajarê Hewlêrê, pêşwazî li xanim Caklîn Baduk cîgira nûnerê taybetî yê sekreterê giştiyê Neteweyên Yekgirtî (NY) lbo karûbarên Îraqê û Peter Batceler koordînatorê karûbarên bernameyê geşepêdanê ê ser bi NY ve, kir.

Di dîdarekê de ku, Elî Sindî wezîrê pilandananê amade bû, behsa însiyatîva bernameyê geşepêdanê ku, ji aliyê hikûmeta herêma Kurdistanê û bi hevkariya tîma ajansa NY ve hatiye amade kirin, hat kirin.

Caklîn Baduk, bi kurtî, ji serokwezîrê Kurdistanê re behsa bername û pirojeyên NY li Îraq û herêma Kurdistanê kir.
Serokwezîrê Kurdistanê behsa karên pêşîneyên hikûmeta Kurdistanê kir û daxwaz ji NY kir ku, di ware; qanûna encamdana nûkariyê li sektora giştî, mafê mirovî, hukimdariya dirust, jîngeh, statistic û çend warên de alîkariya hikûmeta herêma Kurdistanê bikin.

Barzanî got ku hikûmeta herêma Kurdistanê pêwîstî bi şarezayî û tecrûbeya NY heye.

Ji aliyê xwe ve Caklîn Baduk, li hember wan destkeftiyên hikûmeta herêma Kurdistanê bidest xistine, pîrozbahî li serokwezîrê Kurdistanê kir û hêvî xwest ku hikûmeta herêma Kurdistanê li ser karên xwe yên mezin berdewam be