Kurdên Rojavayê Kurdistanê ku her hefteyê li bajarekî cuda yên kurdan bi dirûşmeyên cuda meşê pêk tinin, vê hefteyê li Qamişloyê bi tevlîbûna 10 hezaran kesan meş pêk anî. Bi 10 hezaran kesên komkujiya Helebê şermezar kir.

Li bajarê Qamişlo, piştî meşa nimeja Înê bi 10 hezaran kes li hev kom bûn û komkujiya taxa Şêx Meqsûd a Helepê ku ji aliyê Rejîma Esad ve pêk hat şermezar kirin. Di meşê de girsê pankarta “Em nabin leşkerê Rejim Sûrşyê" vekir û meş pêk anî. Piştî ku rejîma Esad li bajarê Helêbê komkujî pêk anî û 21 welatiyên kurd hatin qetilkirin. Girsê di meşê de dirûşmeya "Hewce be dê her kes li dijî rejîmê rahêle çekan" berz kirin. Bi 10 hezaran kesên bi al û rengê xwe derketin kolanan, di kolana Amudê re ber bi mizgefat Qasimo kom bûn. Bi 10 hezaran kesên ku li hev kom bûn li ber mizgeftê govend gerandin û stran gotin. Piştî stran û govendê bi hezaran kes ketin rê û meşiyan.

Rudaw