Komela xêrxwazî ya Barzanî ya Herêma Kurdistanê, 104 malên hazir (konteynir) wek alîkarî bo mexdûrên erdheja Wanê şand.

Kerwanê alîkariya komela xêrxwazî ya Barzanî ya Herêma Kurdistanê, pêr gihîşte Wanê û 104 malên hazir wek alîkarî bo mexdûrên erdhejê hatin şandin.

Li ser konteynirên ji Herêma Kurdistanê hatibûn şandin, wêneyên Mele Mistefa Barzanî û pankartên bi kurdî û erebî hatibûn nivîsandin. Konteynir li “Barzanî Kent” (Bajarê Barzanî) û “Mimar Sinan Kent” hatin bicîkirin.

Nûnerê komela xêrxwazî ya Barzanî, Tahir Ehmed, diyar kir, gelê Wanê birayên xwe dibînin û alîkarî jî di vê çarçoveyê de hatine şandin.

Parêzgeha Kekûkê jî, çend rojên borî, 50 malên hazir bo mexdûrên erdheja Wanê şandibû.

AKnews