Fuad Mesûm di daxuyaniyekê de ragehand heta niha hêzên iraqî li ser wezaretên ewlekariyê rêknekeftine, lê Mesûd Barzanî dixebite ku hêzên siyasî li ser vê meseleya postên ewlekariyê li hev bicivin û bigihin rêkeftinekê.

Serokê Hevpeymaniya Kurdistanê got, “Tê çaverêkirina di van nêzîkan de serokê herêm û rêberên Iraqê bo çareserkirina vê pirsê li hev bicivin. Lê dema vê civînê hêj nehatiye diyarkirin.”

Tevî ku hemû hêzên siyasî li hev kirine ku wezîrê navxwe ji Hevpeymaniya Niştîmanî û wezîrê bergiriyê jî ji Lîsteya el-Iraqiyeyê re bê dayîn, herdu lîste jî bi hinceta “jêhatî nînin”, namzedê hev red dikin.

Lîsteya el-Iraqiyeyê dide xuyakirin wan 2 namzedên bo wezareta bergiriyê pêşkêşî el-Malikî kiriye û el-Malikî li şûna wan herdu namzedan kesekî din namzed bike, ew qebûl nakin û di parlamentoyê de jî deng nadin wî namzedî.

Tê ragihandin ku Serokwezîrê Iraqê Nurî el-Malikî her yek ji Sadûn Dilêmî bo wezareta bergiriyê, Tofîq Yasirî bo wezareta navxwe û Riyaz Xerîb jî bo wezareta ewlekariya niştîmanî namzed kiriye.

Aknews