Li welatê Sûriyê kuştin û girtina çalakvan û xwepêşanderên sivîl berdewam e, li bajarê Ceblayê hêzên ewlehiya rejîma Sûriyê gule berdan ser xwepêşanderên ku cinaze birêdikirin û di encam de 4 kes kuştin.

Li gor çavkaniyên rêxistinên mafê mirovan, li bajarên Heleb, Qamişlo, Edlib, Şam û gelek bajarên din yên Sûriyê bi sedan welatî hatine girtin.

Partiya Yekîtiya Kurd li Sûriyê, di beyannameyekê de gertina welatiyên kurd pirotesto kir û diyar kir ev kiryara rejîma Sûriyê nakeve di xizmeta berjewendiya giştî de û wê rewşê aloztir bike.

Li gor çavdêran paş nehêştina rewşa awarte, kuştin û binçavkirin li welatê Sûriyê pirtir bûye.