Bi serpereştiya birêz Fuad Husên Serokê Dîwana Serokayetiya Herêma Kurdistanê, duhî sêşemê 12/04/2011 li Dîwana Serokayetiya Herêma Kurdistanê, borda şêwirmendiya bi cîhan nasandina jenosayda gelê Kurd pêncemîn civîna xwe sazkir.

Di kombûnê de projeya amadekirî ya borda şêwirmendiya konferansa bi cîhan nasandina jenosayda gelê Kurd bi hurî hate guftûgokirin ku biryare li meha hezîrana îsal li Parlemena welatê Norwêc were encamdan û bernameya pêşniyarkirî jî ji bo çawayiya birêveçûna konferansê jî hate pejirandin.

Di vê civînê de birêz Dr. Kawe Mehmûd Wezîrê Karûbarê Şehîd û Enfalkiriyan bi Wekalet û Wezîrê Rewşenbîrî, Reûf Reşîd Wezîrê Dad, Felah Mistefa Berpirsê Fermangeha Pêwendiyên Derve yê Hikûmeta Herêmê, Sebah Beytulla, Goran Azad û Viyan Ebdulrehîm Endamên Parlemena Kurdistanê, Se'ed Xalid rêkxerê pêwendî û hemahengiya Parlemen û Hikûmeta Herêmê, Dr. Xazî Dizeyî Birêvebirê Giştî yê hemahengî û dûvdaçûnê li Dîwana Serokayetiya Herêmê, Lence Dizeyî Şêwirmenda ji Wezareta Karubarê Şehîdan, Newzad Xoşnaw Şêwirmendê Wezareta Rewşenbîrî û Kamîran Goran ji Fermangeha Pêwendiyên Derve yê Hikûmeta Herêmê amade bûn.