Îro danê hêvarê di kongireke rojnamevanî de li parka Nalî ya bajarê Silêmaniyê, gropek bi navê "Dengên çaksazî û serbixweyî" yê cuda bûna xwe ji xwepêşanderên ber derkê Sera ragehand.

Ejî Cemal serpereştyarê giropa "Dengên çaksazî û serbixweyî" di kongira rojnamevanî de ragehand; ji ber ku xwepêşandanên li ber derkê Sera ber bi semtek din ve çûye, lewre me biryar da em xwe ji wan cuda bikin.

Navbirî got: "me biryar da ku em çalakiyên xwe bibin parka Azadî û dirêjiyê pê bidin." Û xuya kir ku hejmarek part li pişt ew xwepêşandanên li ber derkê Sera hene û rojên hefteyê li ser xwe dabeş kirine.

Serpereştyarê gropa "Dengên çaksazî û serbixweyî" yê di bersiva pirsyarên rojnamevanan de diyar kir ku ne giringe hejmara wan pirbin yan na, belku ya giring ew e ku ew kar li ser bernameyekê dikin û baweriya wan bi çaksaziyê heye û ew di wê baweriyê dane ku hikûmeta Kurdistanê dixwaze çaksaziyê encam bide.