Bi amadebûna nûnerê serokê herêma kurdistanê, serokê parliyamenta herêma kurdistanê, nûnerê serokê civata wezîrên herêma kurdistanê, sekreterên partî û aliyên siyasî, parliyamentarên herêma kurdistanê, wezîrên herêma kurdistanê û konsulên welatên biyaniyên li herêma kurdistanê, bîranîna 65 saliya damezrandina komara Kurdistan hat pîrozkirin.

Kemal Kerkûkî serokê parliyamenta herêma kurdistanê, di nav dêrendazên vê bîranînê de gotarek pêşkêş kir û tê de, bas li destkeftên komara Kurdistanê kir.

Kerkûkî got, ku roja damezrandina komara Kurdistanê rojeka pîroz e û pesnê rola pêşewa Qadî Muhemmed û Barzaniyê nemir da.

Asos Necîb Ebdullah wezîra kar û barên civakî a Hikûmeta kurdistanê a ku di vê bîranînê de nûnera serokê civata wezîran bû, gotarek pêşkêş kir û tê de ronahî xist ser rola Barzaniyê nemir di damezrandina komara Kurdistanê de.

Asos N. Ebdullah da nîşandan, ku Barzaniyê nemir û hevalên xwe ev komara han diparastin û kurdên hemû alî û parçeyên kurdistanê, li jêr sîwan û alaya kurdistana azad hatibûn komkirin.

Di nav van dêrendazan de, Dilman Amêdî gotara partî û aliyên siyasiyên kurdistanî pêşkêş kir û tê de, behsa giringiya komara Kurdistanê kir û got, ku ezmona niha ya herêma kurdistanê jî wek ezmona komara Kurdistanê ye.

Di nav evan dêrendazan de, çend sirûd û stiranên neteweyî jî hatin pêşkêşkirin. PNA