Jêderek ji Partiya Demokrat a Kurdistanê (PDK), ragihand, 5 endamên din ên Polîtburoya PDKê, îro hatin destnîşankirin.

Li gor malpera AKnewsê, Jêderekî ji PDKê, ji wan re diyar kir, ku di civîna îro ya Encumena Rêverberiya PDKê de ku Serokê PDKê Mesûd Barzanî jî amade bû, 5 endam din ên Polîtburoyê (Mekteba Siyasî) hatin destnîşankirin.

Jêderê han, got, navên kesên ku bûn endamên nû yên Polîtburoyê wiha ne: Rêbwar Yelda, Kakemîn Necar, Ferîdûn Ciwanroyî, Cefer Îbrahîm û Selah Delo.

Bi vî awayî, hejmara endamên Polîtburoya PDKê bûn 15 kes.

Beriya niha, 10 endamên Polîtburoya PDKê jî, bi pêşniyara Serokê PDKê Mesûd Barzanî, hatibûn diyarkirin.